Yu save risivim wan kol long wan man we hem i kleim se hem i kam long wan oganaesesen we yu trastem, olsem bank blong yu o polis. Oli talem long yu se i gat wan sekuriti problem we kamap long bank akaon blong yu o ol peimen kad, mo yu nidim blong tekem sam kaen privensen aksen kwiktaem, we bae i involvem yu blong konfemem ol konfidensel login ditel.
Be peson we i stap long narafala en blong kol hem i no bank blong yu o kad provaeda be wan frodsta.
Oli save askem yu blong yu givim ol kad blong yu long wan kuria we ‘bank’ o ‘polis’ i bin sendem blong mekem sua se oli stopem olgeta o from evidens. Hemia oli save olsem ‘Kuria Frod’.
Ol risk
- Yu provaedem ol ditel akaon blong yu mo ol ansa blong ol kwesten long ol frodsta
- Bank akaon blong yu bae oli mekem i emti mo/o ol kad oli yusum kasem limit blong hem.
- Yu save kam wan viktim blong aedentiti teft from se yu bin rivilim ol konfidensel faenansel mo pesonal infomesen.
Hao blong avoidem telefon banking frod
- Wan bank o peimen kad kampani bae i neva askem yu blong transferem mani long akaon blong yu i go long wan narafala we yu no luksave, yu hangap long telefon wantaem o stret long taem ia.
- Sapos yu tingse kol ia hemia wan tru o otentik kol mo yu jus blong kolem bank blong yu o kad provaeda, kolem namba long bank stetmen o wan narafala dokumen long bank blong yu – o kolem namba long bak blong kad blong yu, mo i NO namba we kola i givim long yu mo namba we hem i kolem yu long hem.
- Neva provaedem faenansel o pesonal ditel i go long wan kola, be kolem bak namba we yu save se hem i otentik. Fulap skama oli gat abiliti blong giaman long ol otentik namba blong fulum yu blong yu tingting we oli jenuwen.
Sapos yu bin wan viktim blong telefon banking frod
- Ripotem long polis
- Ripotem long stret bank blong yu o peimen kad provaeda kwiktaem. Bae yu faenemaot hao blong mekem taem yu lukluk ol websaet blong olgeta.