Ol risk
- Frod i hapen taem ol man i stap mekem ol peimen long ol web pej we i no sekua.
- Frod i hapen taem ol man i stap mekem ol peimen yusum wan Wi-Fi koneksen we i no sekua.
- Ol giaman sto/shop – ol giaman websaet mo imel oli salem ol guds mo ol sevis we i nogat.
- Pem ol giaman guds we yu minim o no minim – Faenemaot se oli nogud kwaliti mo tu yu save pem ol man blong mekem moa rabis kraem long rod ia.
- Taem yu lusum mani blong yu afta we yu mekem daerek bank peimen, blong yu faenemaot nomo se ol guds oli no gudfala kwaliti, o oli no bin gat nomo.
- Taem risivim ol guds mo ol sevis we i no maj nating wetem wanem we man we i advetaes i talem.
- Taem oli stap givim yu ol praes we oli stap jenis folem infomesen we ritela i tekem from ol fasin blong onlaen soping blong yu mo ol websaet we yu bin visitim.
Sef soping
- Eni onlaen ritela we yu no save, mekem sua blong yu mekem risej blong save trastem olgeta. Setemap wan fisikol adres mo ol telefon kontak ditel. Tingbaot se gudfala wei blong faenem wan ritela we yu save trastem hem i tru long advaes blong wan sos we yu trastem.
- Tingbaot se taem yu pem wan samting yusum peimen kad i givim bigfala proteksen bitim ol nara metod long saed blong frod, ol promes sapos ol prodak we yu bin pem we i no wok gud, mo prodak we yu bin pem be i no deliva long yu.
- Jek bagegen tu taem evri ditel blong ol samting we yu pem bifo yu talem lo sela se peimen i go tru.
- No riplae long ol imel we yu no bin givim raet blong oli stap sendem kam long yu mo i kam long ol kampani we yu no luksave long olgeta.
- Bifo yu stap putum ol ditel blong peimen kad blong yu go long wan websaet, mekem sua se link ia i sekua, long tu wei:
- I sud gat wan saen blong wan lok long brawsa windo frem, we i kamaot long skrin taem yu stap traem blong log in o rejista. Mekem sua se saen blong lok ia i no stap long pej ia hem wan … hem ia i save soemaot se hem i wan giaman saet.
- Web adres i sud stat wetem ‘https://’. S ia hem i minim ‘sekua’.
- Hem i soemaot nomo se link bitwin yu mo ona blong websaet hem i sekua, be i no minim se saet ia hem i save tru. Yu mas mekem olsem taem yu stap jekem gud adres from eni speling we i rong, ol adisenol toktok mo karekta mo ol nara samting we i no nomol.
- Sam websaet bae daerektem yu go stret long wan peimen sevis blong wan nara grup (olsem WorldPay). Mekemsua se ol saet ia i sekua bifo yu mekem peimen blong yu.
- No pem ol guds taem yu stap yusum wan Wi-Fi koneksen we i no sekua.
- Gadem gud i sef mo tingbaot paswod we yu bin jusum blong ekstra verifikesen sevis we oli yusum long sam websaet, olsem Verified by Visa.
- Taem we yu stap mekem wan peimen i go long wan man, neva transferem mani i go stret long bank akaon blong olgeta be yusum wan peimen saet we i sekua olsem PayPal, long ples ia mani hem i transfe bitwin tu elektronik akaon.
- Jekem praevesi polisi mo ritens polisi blong ol sela.
- Oltaem log aot long ol saet we yu bin log in long olgeta o bin putum ol rejista ditel blong yu long hem. Taem yu stap klosem brawsa blong yu nomo i no naf blong mekem sua se i gat praevesi.
- Kipim ol risit.
- Jekem ol kredit kad mo ol bank steitmen wetem kea afta we yu mekem soping blong mekem sua se korek amaon i debit, mo tu nogat frod i tekem ples from transaksen ia.
- Mekem sua se yu gat wan efektiv mo apdeitd antivaeres/antispawe sofwe, mo wan faeawol we i wok gud bifo yu go onlaen.
- Taem i gat janis, jekem se praes we ritela i showem we i kamaot long brawsa blong yu i semak olsem hem ia we i stap long brawsa blong ol nara man, blong mekem sua se oli no stap wajem yu mo ovajajem yu.
Sapos yu ting se yu bin wan viktim blong frod
Ripotem i go long polis.