Ol risk
- Ol ekposa long ol material we maet oli ofensiv mo iligol.
- Visibiliti blong sejem ol enjin provaeda long sej aktiviti blong yu.
Sej sefti
- Save hao blong yusum ol sej filta. Olgeta ia oli save aksesem via ‘Advansed Sej’, ‘Ol Seting’ o ol semak nem link we oli faenem long ol sej enjin. Samfala sej enjin filta oli rimemba ol seting bitwin long ol sej sesen, hemia taem yu log in evritaem yu mekem sej. Sapos yu no log in, yu save se filta oli no aktivetem. Yu save klikim oltaem long ol filta seting blong jekem stetas blong hem.
- Samfala sej enjin oli yusum ol woning peij blong wonem yu se bae yu save risivim ol risal we maet oli kontenem o link long ol hamful material. Bae olgeta oli no save priventem yu blong aksesem saet, be bae oli alaoem yu blong mekem wan stret desisen blong visitim olgeta o no.
- Blong instolem filtering sofwe long kompiuta blong yu hem i wan narafala wei blong helpem yu blong protektem yu long ol ofensiv mo ol iligol websaet.
- Ol sej enjin nomali oli stap oferem yu wan jois bitwin wan lokol o wolwaed sej.
- Mekem sua se yu yusum ol stret sej enjin wod (ol wod mo fres) blong yu save kasem ol stret akuret risal, mo avodem olgeta we yu no sud go insaed.
- Mekem sua se yu yusum ol korek speling: sipos yu mekem wan smol mistek bae yu save kasem ol risal we yu no wantem.
- Rimemba se i no evri infomesen long websaet we i kambak long yu long sej blong yu, oli rilaeabol.
- Rememba se samfala sej risal hem i ol listing we samfala kampani oli pem blong promotem ol prodak mo ol sevis blong olgeta, maet ol risal ia oli blong olgeta nomo. Yu save aedentifaem ol wod ia olsem ‘Ad’ o ‘ Sponsed Risal’ mo nomali oli apia long top blong peij mo long wan kolom long raet saed blong peij.
Wanem yu sud mekem sapos yu kam akros ol iligol material
Sapos yu kam akros wan konten we yu tingse hem i iligol olsem hem i resis, teroris, ol strong hetful konten, yu sud ripotem olgeta long polis.