- Hem i no let blong putumap ol baondari… pikinini blong yu maet hem i tingse hem i wan adol, be oli nidim wisdom mo gaendans blong yu yet.
- Yu maet stat blong tingting se pikinini blong yu i save moa long teknoliji bitim yu, mo ating yu korek. Mekem hem i bisnes blong yu blong yu kip ap tu deit mo diskas wanem yu save wetem pikinini blong yu.
- Toktok gud long pikinini blong yu olsem wanem oli stap eksplorem oli isu long saed long helt, welbing, bodi imej mo seksualiti blong olgetaa mo ol narafala onlaen. Ating oli stap diskaverem sam infomesen we oli no stret mo oli denjeres long onlaen we maet hem i wan kritikol mo valnerebol taem long laef blong olgeta.
- Riviu ol seting long parental kontrol we oli stap long level blong eij blong pikinini blong yu mo adjastem olgeta sapos oli stret. Oli save aksem yu blong yu trastem olgeta blong oli tenem of komplitli, be tingting gud bifo yu mekem mo agri fastaem wanem hem i akseptebol onlaen bihevia.
- Toktok openli wetem pikinini blong yu olsem wanem oli bihev long ol narafala, patikula long wanem oli stap postem onlaen. Yu wiling blong gat ol open toktok long saed long bulying, mo ol post we oli hetem man, mislidim ol man mo ol komen we oli no tru. Mekem olgeta oli awe long ol denja blong bihevia olsem seksing mo yus blong ol webkam we oli no stret.
- Givim kontrol long pikinini blong yu blong oli badjetem ol aktiviti blong olgeta olsem daonlodem ol app mo myusik, be agri long ol baontri fastaem blong mekem se oli manejem gud mani blong olgeta wetem responsibliti. Yu no givim akses long olgeta long peimen kad blong yu o ol narafala ditel.
- Yu mas klia long maen blong yu long ol isu olsem kopiraet material mo plejerisim blong mekem se bae yu save eksplenem long pikinini blong yu wanem hem i ligol mo wanem hem i no ligol.
- Sapos pikinini blong yu i save teknoloji wetem ol influens blong ol narafala – maet oli save eksperimen blong aksesem ol konfidensel infomesen long ol websaet blong ol narafala pipol mo ol kampani. Haking long grup ia hem i no tumas be i save hapen. Eksplenem ol denja mo ol konsekwens
Hemia samfala kwesten yu save diskasem wetem ol pikinini blong yu, naoia we oli kam bigwan mo olda
- Yu save evriwan long ‘fren list’ blong yu?
- Yu save hao blong yusum mo setemap praevesi mo ol sekuriti seting? Yu save soem long mi?
- Yu stap tekem ol mesej long ol strenja? Sapos olsem, hao nao yu handlem olgeta.
- Yu save wan man we bae i mitim wan narafala oflaen, we oli no toktok tumas long olgeta onlaen?
- I gat ol pipol long grup blong yu we oli stap nogud long olgeta wanwan, o long ol narafala, long onlaen o long ol fon. Sapos yes, wanem nao oli talem? I gat wan pesen we hem i toktok nogud long yu? Yu save talem long mi sapos oli bin mekem olsem?
- I gat wan long skul blong yu o wan narafala wan we yu save long hem, we oli tekem seksi foto mo sendem i go long ol narafala pipol, o risisivim o ol foto olsem.