Ol pikinini oli oltaem wantem faenemaot ol samting, hemia nao fasin blong olgeta blong lanem samting mo oli divelop. Sapos pikinini blong yu i bin luk samfala adol konten, eksplenem se samfala material hem i blong ol adol be in no blong ol pikinini, mo faenem samfala saet we oli stret long eij blong olgeta mo oli save enjoem. Enkarejem olgeta blong askem ol kwesten.
Sapos ol olfala pikinini oli gat akses long intenet mo oli stap soem samfala onlaen biheivia we yu gat konsen long hem, stat blong storian wetem olgeta mo diskasem bigfala taem we oli spendem long ol saet ia mo wanem nao samfala risk.
I gat denja long tufala jenda se bae i kam long wan taem we oli save tingse ol ponografi we oli luk onlaen oli nomo olsem seksual biheivia. Hem i impoten blong yu tokbaot long olgeta se hemia hem i no stret, mo yu save adem topik blong rilensip tu long storian ia.
Antap long hemia, yu no sem blong gat ol konvesen ia wetem ol pikinini blong yu, hem i wan ki pat blong priperem olgeta oli kam long adolhud.
Ol teknikol prikosen
Mo yu mas kontinu blong gat ol storian olsem wetem pikinini blong yu, from i gat wan namba blong ol teknikol sefgad we yu save putum tugeta:
Parental kontrol long kompiuta blong yu o mobael divaes
Olgeta kompiuta mo mobaek divaes we oli salem blong pablik yus oli mekem olgeta olsem long wan standad blong yu olsem wan peren i save filterem ol konten, we yu no wantem blong ol pikinini blong yu (o long eni narafala akaon holda) oli aksesem. Ol tul ia oli save aksesem tru long kompiuta kontrol panel o ol narafala divaes seting skrin. Sapos yu gat daot olsem wanem blong aksesem mo setemap, rife long ol onlaen help o askem ritela blong yu.
Parental kontrol softwe blong pem o daonlod
I gat bigfala namba blong ol defren brand o ol taep blong ol parental kontrol softwe we oli avelebol blong tugeta kompiuta mo ol mobael divaes. Jusum wan long ol bigfala, global vendo we oli trastem, mo ridim ol riviu mo ol advaes.
Long jeneral, oli enebelem yu blong filteremaot ol konten we oli no stret o nogud olsem ponografik mo materail we oli vaelen, we hem i ridiusim ol janis blong ol pikinini blong yu oli ekspos long hem. Samfala oli alaom yu blong setemap ol defren profael sapos yu gat ol pikinini oli gat ol defren eij we bae oli aksesem kompiuta o ol narafala divaes.
Samtaem, ol filta ia oli save ova o anda-blok, mekem se pikinini blong yu bae i no save aksesem samfala saet we oli gud mo oli stret, o samtaem bae oli luk ol peij we oli no appropriet long eij blong olgeta. Plante bae oli letem yu blong blokem o no blokem ol patikula saet blong givim yu moa kontrol.
Samfala parental kontrol softwe oli letem yu blong monitorem ol onlaen aktiviti blong pikinini blong yu, blong yu save luk wanem websaet oli stap go insaed long hem mo hamas minut o haoa oli stap long hem. Samfala oli iven provaedem yu wetem ol ripot blong ol sosol netwok aktiviti blong pikinini blong yu.
Samfala program oli letem yu blong yu setem ol taem limit long ol onlaen aktiviti blong pikinini blong yu – oli restriktim akses long intenet, o long samfala websaet long samfala taem blong dei. Mo yu save blokem ol sosol netwok o entetenmen saet, taem pikinini i mas mekem homwok blong hem.
Yu save aksesem softwe ia via login long eni taem blong modifaem ol filta mo ol blok mo ol anblok saet, kasem pikinini blong yu i kam bigfala. Mo wetem softwe, hem i impoten blong pefomem ol apdeit taem oli advaesem yu.
Ol intenet sevis provaeda parental kontrol
Fulap intenet sevis provaeda (ISPs) oli provaedem parental kontrol softwe – we i olsem softwe we yu pem, i save blokem ol konten we oli ofensiv long konten. Ol kastoma blong samfala ISP oli gat akses long fasiliti ia we i fri mo nogat peimen.
Samfala mobael netwok oli provaedem fri parental kontrol softwe mo i nogat peimen. Wetem samfala, hem i setap hemwan wetem difol. Sapos yu no sua sapos hemia hem i wan kes, o yu gat eni narafala kwesten o ol konsen, kontaktem mobael opereta blong yu blong yu blong stap long wan sef saed.
Ol narafala intenet – konekted divaes olsem ol gem konsol nomali oli fijarem parental kontrol softwe olsem wan paren, yu save setemap mo yusum.
Plante Televisen janel we oli stap long diman sevis oli oferem paswod protekted parental lok blong givhan long yu blong yu protektem pikinini blong yu blong luk ol program we oli no stret long eij grup blong hem.