Ol risk
- Ol giaman sto/shop – ol giaman websaet mo imel oli salem ol gud mo ol sevis we i no gat.
- Taem risivim ol gud we i no maj nating wetem wanem we man we i advetaes i talem.
- No risivim ol gud we yu bin spendem mani from.
- No risivim peimen blong ol gud we yu bin sendem go long kastoma.
- Oli fosem yu blong sel eli o sel long wan smol praes. Ol bes ofa blong ol praes i stap kam long taem we oksen i stap redi blong finis.
- Taem we oli stilim aedentiti blong oksen blong yu mo yusum long saed blong frod.
- Taem we oli stilim pesonal/faenansel infomesen blong yu mo yusum long saed blong frod.
- Ol giaman imel, we man we i sendem i se i kam from wan oksen o onlaen peimen saet, be ril wan se i kam long ol kriminol we oli wantem pulum tingting blong yu blong go long wan giaman websaet mo garem ol pesonel infomesen blong yu olsem ol login ditel blong onlaen peimen akaon blong yu.
Yusum ol onlaen oksen long wan sef wei
- Sapos yu niu long ol onlaen oksen, tekem taem blong ridim ol onlaen gaed we oksen kampani i givim blong yu andastandem hao sistem ia i wok mo wanem nao ol rul blong hem.
- Andastandem wanem oksen kampani i save mekem (mo no mekem) sapos wan samting i go rong.
- Yusum wan login nem blong oksen saet we i difren long imel adres blong yu.
- Kipim kontak infomesen blong yu wetem imel adres i ap-tu-deit.
- Jekem gud man we i sel mo man we i pem – sapos hem i wan nomol man o wan onlaen sto. Luk long profael blong olgeta, hamas reit oli rankem olgeta long hem mo histri blong ol transaksen blong olgeta. Maet ol niufala man we oli sel mo pem ol samting, oli nogat wan klia histri, mekem se yu mas tekem kea blong i no gat eni problem.
- Sapos sela hem i wan bisnes, jekem sapos oli stap mekem bisnes long ril wol. Sapos oli givim wan fon namba o adres, givim olgeta wan kol. I save had blong kasem ol man we i stap aotsaed long UK sapos wan problem i hapen.
- Jekem ol polisi blong praevesi mo ritens blong ol onlaen sto.
- Ol kos blong shiping mo deliveri i sud klia long yu (eksampol, sapos oli inkludum mo sapos nogat, sapos oli bin talemaot i klia stret).
- Ol metod blong peimen i sud klia long yu mo sapos eni long olgeta i jajem ol ekstra fi.
- Givimaot nomo smol pesonal infomesen we ol sela mo ol baia i nidim, olsem adres blong yu blong garem ol guds o sendem ol guds i go long kastoma.
- Jek bagegen tu taem evri ditel blong ol samting we yu pem bifo yu talem lo sela se peimen i go tru.
- Jekem se ol spam filta i no blokem ol notifikesen blong komunikesen we i hapen wetem yu mo ol baia mo sela blong yu, long wei blong jekem spam folda blong yu oltaem.
- No mekem se ol rikwes blong yu klosem ol oksen eli i pulum tingting blong yu.
- Oltaem mekem sua se yu risivim peimen fastaem bifo yu stap sendem ol guds i go long kastoma blong yu.
- Taem we yu stap mekem wan peimen i go long wan man, neva transferem mani i go stret long bank akaon blong olgeta be yusum wan peimen saet we i sekua olsem PayPal, long ples ia mani hem i transfe bitwin tu elektronik akaon.
Mo tingbaot oltaem…
- Yusum ol strong paswod Neva talemaot ol oksen mo onlaen peimen paswod blong yu long eni man.
- Sapos yu tingse wan man we i nogat eni raet i stap aksesem oksen mo onlaen peimen akaon blong yu, tekem aksen kwiktaem. Jekem onlaen help pej blong saet ia.
- Lukaot gud blong yu no klik long ol link we i kam long ol grup blong ol imel, we yu no bin givim raet blong oli stap sendem kam long yu. Eksampol, i gud mo blong yu taepem websaet adress blong bank blong yu i go stret long brawsa blong yu, o yusum wan bukwom we yu bin mekem yusum stret adres.
- Sapos yu pem wan samting yusum peimen kad, tingbaot se wan kredit kad i givim bigfala proteksen bitim ol nara metod long saed blong frod, ol promes sapos ol prodak we yu bin pem i no wok gud, mo prodak we yu bin pem i no deliva long yu.
- Taem yu stap spendem mani yusum onlaen peimen sevis o peimen kad, mekem sua se link ia i sekua, long tu wei:
- I sud gat wan saen blong wan lok long brawsa windo frem, we i kamaot long skrin taem yu stap traem blong log in o rejista. Mekem sua se saen blong lok ia i no stap long pej hem wan … hem ia i save talemaot se hem i wan giaman saet.
- Web adres i sud stat wetem ‘https://’. S ia hem i minim ‘sekua’.
- Hem i soemaot nomo se link bitwin yu mo ona blong websaet hem i sekua, be i no minim se saet ia hem i save tru. Yu mas mekem olsem taem yu stap jekem gud adres from eni speling we i rong, ol adisenol toktok mo karekta mo ol nara samting we i no nomol.
- Oltaem log aot long ol saet we yu bin log in long hem o putum ol rejista ditel blong yu long hem. Taem yu stap klosem brawsa blong yu nomo i no naf blong mekem sua se i gat praevesi.
- Kipim ol risit.
- Jekem ol kredit kad mo ol bank steitmen wetem kea afta we yu mekem soping blong mekem sua se korek amaon i debit, mo tu nogat frod i tekem ples from transaksen ia.
- Mekem sura se yu gat wan efektiv mo apdeitd antivaeres/antispawe sofwe, mo wan faeawol we i wok gud bifo you go onlaen.
Mo infomesen
advaes blong eBay blong yusum saet long wan sef wei, wetem pem mo sel long wan sef wei mo stap longwe long ol skam
