Wan faewol i protektem yu agensem:
- Ol haka we oli wantem brek i go insaed long kompiuta.
- Ol wom – ol taep blong vaeres we oli spred long wan kompiuta i go long wan narafala kompiuta ova long intenet.
- Samfala aotgoing trafik we oli kamap long wan vaeres infeksen.
Wanem wan faewol hem i NO mekem:
Wan faewol hem i no naf hemwan blong garanti long sekuriti, be hem i fes laen blong difens. Yu mas tekem tu ol narafala protektiv step we oli stetem long websaet ia. Be, wan faeawol i provaedem smol nomo o nogat proteksen agensem olgeta ia:
- Sapos yu givim pemisen long ol narafala kompiuta oli konek i go long blong yu.
- Sapos oii swijim of, disebelem o kontenem plante long ol eksepsen o ol open pot.
- Moa long ol vaeres.
- Spam.
- Spaewe instolesen
- Eni kaen long frod o kriminol aktiviti onlaen.
- Sapos yu o wan vaeres i krietem wan bak doa tru long faewol.
- Ol pipol wetem ol fisikal akses long kompiuta blong yu o netwok.
- Ol data we oli introdusim long kompiuta be i no onlaen, eksampol tru long USB konekted divaes, CD/DVD ets.
- Ol atak afta wan netwok oli bin sotemaot.
- Trafik we i apia olsem se hem i lejitimet.
Be, i nogat wan long ol samting ia i givim wan rision blong oli NO save instolem wan faeawol, from hemia nomo i no naf blong komplet sekuriti.
Hem i sefgud blong tingting se intenet sevis provaeda blong yu hem i no provaedem eni kaen blong faeawol, from hemia mekem sua se yu gat raet softwe blong protektem yu.
Ol taep blong faeawol
Ol pesonal faeawol
Ol pesonal faeawol oli sud instolem olgeta long wanwan kompiuta we i konek long intenet mo i monitorem (mo blokem we hem i gat nid) intenet trafik. Oli save olgeta olsem ol ‘ol sofwe faeawol’ o ‘ol desktop faewol’.
Windos Faeawol hem i wan besik pesonal faeawol. Hem i fri, mo hem i gat wetem ol Windos opereting sistem. Long Windos 8, Windos 7 mo Vista, Faeawol difol blong oli aktiv, olsem ia yu no nid blong wari blong konfigurem yuwan.
Sapos yu wantem, yu save riplesem Windos Faeawol wetem wan narafala pesonal faeawol long jois blong yu, inkludum taep we oli inkoperetem sam long ol intenet sekuriti pakej, o stanalon faeawol sofwe we oli save daonlodem long intenet, samfala hem i fri of jaj.
Hadwe faeawol
Medium-saes mo ol bigfala bisnes ating oli nidim wan hadwe faeawol – wetem ol pesonal faeawol – we i dipen long konfiguresen blong IT infrastrakja blong olgeta. Intenal o ekstenal IT sapot risos blong yu bae oli save rekomendem, sosem, instolem mo konfigurem wan gudfala mo stret wan blong bisnes nid blong yu.
Jekem sapos Windos faeawol blong yu oli swijim on
Long Windos 10 and 8 go long Kontrol Panel, selektem Sistem mo Sekuriti, afta selektem Windos Faeawol. Windos Faeawol stet hem i stap anda long Hom o ol wok (praevet) netwok.