Ol risk
- Ol anotoraesed pipol – inkludum ol kriminal – oli stap gat akses long bank akaon blong yu mo yusum blong faenem o gesem ol login ditel blong yu.
- Ol konfidensel ditel mo ol transaksen blong yu oli inteseptem taem WI-Fi yu stap yusum hem i no sekua.
- ‘Solda sefing’ – hemia ol pipol oli stap viuim o lukluk wanem yu stap mekem onlaen ova long solda o tru long CCTV.
- Los o teft long mobael divaes blong yu, we maet i save kontenem o provaedem isi akses i go long ol bank akaon mo ol konfidensel ditel.
- Oli save giaman long yu blong vistim ol fek banking websaet o daonlodem ol fek banking app.
- Afta bae oli fosem yu blong rivil ol konfidensel ditel blong yu i go long ol kola we oli kleim se oli kol i kam long bank blong yu o polis, mo talem long yu se i gat wan problem long akaon blong yu.
Sef mobael banking
- Mekem sua se smatfon o tablet blong yu oli protektem wetem wan PIN we man i no save gesem. Yu no givim PIN namba long eni man mo yu no raetem daon o storem long wan ples we bae oli faenem.
- Olsem onlaen banking long wan kompiuta, jusum, yusum mo protektem ol paswod mo ol memorebel wod wetem bigfala kea.
- Yu mekem sua se yu no livim divaes blong yu i stap hemwan o yu putum long wan ples we i no sef. Daonlodem wan traking ap we i alaom yu blong yu save eresem ol data blong yu long wan remote ples, mekem sua se fija ia stap finis long divaes blong yu.
- Kipim banking mo ol narafala app long divaes blong yu mo oli mas apdetem oltaem.
- Oltaem logaot long banking app o mobael websaed taem yu finis blong yusum. Klosem app o web peij o putum of divaes blong yu nomo hem i no inaf.
- Yu no yusum ol WI-FI netwok we oli no sekua blong banking, ol pejes o pem samting o jekem ol imel blong yu. Long ol pablik ples, hem i no posibol blong talem se hotspot ia hem i sekua o no. From hemia hem i gud blong no yusum. Hem i moa gud blong yusum wan 3G o 4G intenet koneksen, nating we hem i slo blong mekem.
- Yu tekem kea taem yu daonlodem ol app: mekem sua se oli blong wan otoraesd stoa mo jekem ol riviu mo ol rekomendesen. I gat tausan long ol giaman banking app we oli stap sekuletem olbaot espesali blong ol Android divaes, even bae yu save daonlodem long wan ofisal app stoa.
- Daonlod, yusum mo oltaem apdetem wan long ol intenet sekuriti app we oli rekognaesem long divaes blong yu.
- Jekem ol sekuriti seting long divaes blong yu blong kasem ful proteksen.
- Jekem se mobael app blong bank blong yu oli validetem sekurit blong hem. Yu lukluk long websaet blong olgeta blong ridim ol pablis stetmen long olsem wanem oli mekem hemia. Narafala samting, jekem ol narafala app yusa’ viu taem yu sej onlaen.
- Ridim ol bank tem mo kondisen blong mobael banking. Mekem sua se yu save wanem ol responsibliti blong yu, mo blong olgeta long bank blong yu.
- Long app ia, faenaot mo yusum option blong teks mesej blong oli sendemaot evri taem wan transaksen i stap tekples long akaon blong yu. Hemia hem i save notifaem yu kwik taem long eni gaiman o frodulen transaksen we i tek ples.
- Yu lukaot long ol imel, teks, o fon kol we oli kleim se oli blong bank blong yu o polis mo oli stap kleimem se i gat wan problem wetem akaon blong yu mo rikwestem login blong yu mo ol narafala konfidensel ditel. Bank blong yu o wan narafala stret oganaesesen bae oli neva askem ol ditel ia long yu.
Sapos yu wan viktim blong wan aktual o attempted frod
- Kontaktem bank blong yu kwiktaem
- Ripotem long polis