Blong ol praevet individual mo ol smol bisnes, ol objek ia oli inkludum IP kamera we oli yusum blong sekuriti, sevelens mo infant monitoring, sentral hiting kontrola, konekted televisen / ol set top bokses, multi –rum entenmenen divaes, ‘smart’ elekrikol guds (long refrijereta i go long batrum skels i go long dimebel, programebel laeting) mo inkrisingli, ol moto viekel. Evriwan oli yusum intenet noaia blong infomem ol states o pefomans blong, o inkrisim efisiensi, long ril taem. I gat plante pipol oli konek long intenet via long hom o bisnes WI-FI ruta, we i mekem se ol ona oli monitorem mo manejem samfala fungsen blong olgeta rimoteli long ol mobael fon o long wan narafala divaes.
Blong ol bigfala oganaesesen, ol manufakturing fasiliti, ol paoa generesen plant, ol eneji grid, ol heltkea fasiliti mo transpotesen sistem oli kamap mo oli konekted mo provaedem 24/7 koneksen long proses maneja tru long CEO, long weaples hem i stap long wol.
Ol risk
Be, from ol objek ia oli konek long intenet, olsem long kompiuta mo mobael divaes, oli valnerebol long ol unotoraesed intrusen o haking. Be risk hem i moa bigwan from hem i no hapen long plante pipol se ol objek ia oli save hakem olgeta.
Hem i no luk olsem bae i nogat wan i wantem hak i go insaed long refrijereta. Be i bin gat ol kes blong ol domestik mo bisnes IP CCTV kamera we oli hakem wetem tingting blong stap spae long ol ona mo ol aktiviti blong olgeta wetem ol famle blong olgeta, long samfala keis ol video futej ia oli save strimim onlaen blong ol man oli luk. Risk we i stap i min se yu mo famle blong yu oli save stap folemap mo obsevem yufala long hom blong yufala.
Weta hem i ol kamera blong yu o ol narafala domestik o bisnes aetem we oli aksesem, praevesi mo konfidensialti blong hom, bisnes, famle, emploi mo kastoma oli save kasem atak o frod
Sefgadem ‘ol ting’ blong yu
Ol konekted aetem blong yu we yu pem oli mas konfigurem blong konektem long ruta blong yu, mo oli rikwarem wan paswod, we long fulap keis oli pre-setem long faktri. Mifala advaesem yu se:
- Jensim difolt paswod i go long wan we i strong blong oli krakem/gesem be yu save rimemberem. Kipim paswod long yu yuwan. Ridim advaes blong mifala long ol paswod long ples ia.
- Mekem sua se Wi-Fi hem i sekua long WPA2 level oltaem mo i no rivilim akses kod long ol anotoraesed peson.
- Ridim mo familiaraesem yuwan wetem instraksen blong manufaktura, espeseli konektem i go long internet. Sapos wan samting i no klia, kontaktem manufaktura.