Ol risk
- I save gat frod taem yu mekem peimen i go long ol insekua web peij.
- Ol flaet skam
- Taem yu bukum wan flaet mo risivim wan fek tiket, o pem wan tiket we i neva gat.
- Ol Holide skam
- Ol websaet mo ol imel ofa blong ol holide o ol villa we oli no eksist o nogat. Oli wantem yu pem wan deposit, we bae yu neva luk bakegen.
- Ol fek kompetisen skam we oli mekem frod long yu blong yu sekurum wan holide.
- Oli stat blong advataesem se haos blong yu bae i emti taem yu no stap, oli post long ol sosal netwoking o travel traking saet. Samfala insurans kampani naoia oli rijektem ol kleim sapos haos blong yu ol stilman oli stil long hem taem ol ona oli stap long holide mo oli talemaot long ol sosol netwoking saet.
Sef buking
- Mekem sua se eni holide travel o travel kampani we yu no familia long olgeta, yu mas resejem olgeta onlaen. Mekem sua se olgeta oli memba blong ol travel otoriti we oli rekognaesem olgeta we oli oferem ol faenansel proteksen mo travel sevis.
- Taem i posibol, pem ol holide mo travel blong yu yusum kredit kad from hemia tu hem i oferem faenansel proteksen ova long ol narafala metod. Plis mekem not se holide o travel kampani blong yu oli save askem yu blong mekem wan peimen blong ol kredit kad peimen.
- Dabol jek se ol ditel olsem ol travel det, aetinarari destinesen mo ol travela bifo yu save konfemem peimen, from maet oli jajem yu long ol amedmen o jenis.
- Tekemaot travel insurans we i stret long destinesen, ol aktiviti mo evriwan we oli long pati blong yu.
- Yu no rilae long ol imel we yu no ekspektem blong risivim long ol kampani we yu no luksave olgeta.
- Sapos yu rentem wan praevet apatmen o villa, kolem ona/ejen stret blong ensure se hem i lejitimet. Sapos namba i nogat, yu imel mo rikwestem. Jekem ol riviu long TripAdvaesa o ol semak saet.
- Tekem ful adres blong propeti mo faenem long Google map blong jekem lokesen blong hem weta hem i lejitimet.
- Befo peimen, tekem wan kontrak we i setemaot ol tem mo ol kondisen blong rent, deposit, ol peimen tem esetra.
- Bifo yu enterem wan peimen kad ditel long websaet, mekem sua se link hem i sekua, long tufala wei:
- I sud gat wan padlok simbol long braosa windo frem we i apia long taem yu stap atemp blong log in o rejista. Yu mas meksua se padlok ia i no stap long peij hemwan…..hemia maet i minim se hem i wan frodulen saet.
- Web adres i sud stat wetem ‘https://’. ‘S’ stand for ‘Sekua’.
- Wanem i stap antap hem i stap talem se link bitwin yum o websaet ona hem i sekua, mo i no Yu nid blong mekem hemia keafuli jekem ol adres blong yu luk se i gat ol misspelling, adisonal wod mo ol karakta mo ol narafala iregulariti.
- Samfala websaet bae oli daerektem yu long wan nambatri-pati peimen sevis (olsem WorldPay). Mekem sua se ol saet ia oli sekua bifo yu mekem peimen blong yu.
- Sefgadem mo rimemba paswod yu bin jusum blong ol ekstra verifikesen sevis we oli yusum long samfala websaet, olsem we oli pruvum wetem Visa.
- Taem yu mekem wan peimen long wan man, yu neva transferem mani i go daerek long bank akaon be yusum wan sekua peimen saet olsem PayPal, we mani oli transferem bitwin tufala elektronik akaon.
- Oltaem yu logaot long saet we yu bin lokin o registerem ol ditel. Blong yu klosom braosa blong yu hem i no naf blong ensurem praevesi.
- Kipim ol risit blong ol onlaen holide o travel buking mo peimen.
- Jekem ol kredit kad mo bank stemen gud afta we yu mekem buking blong ensure se ol stret amoan blong mani oli bin debitim, mo tu se i nogat frod i tekem ples long taem blong buking.
- Bifo yu postem ditel blong ol travel deit long ol sosol netwoking o long ol travel traking saet, mekem sua se ol stret praevesi seting oli stap in ples.
- Mekem sua yu gat wan efektiv mo apdeted antivaeres/antispaewe softwe mo faeawol we oli wok bifo yu go onlaen.