Ol risej figa we i gat long Get Safe Online oli sajestem samfala statistik abaot ol peren mo ol pikinini blong olgeta long onlaen geming.
– 51% oli wari long sefti blong ol pikinini blong olgeta.
– 37% oli filim se oli nogat kontrol ova long onlaen geming blng ol pikinini blong olgeta.
– 24% oli no luksave ol sekuriti risk we ol pikinini blong olgeta oli save fesem wetem onlaen geming.
– 25% oli save se ol pikinini blong olgeta oli bin givim samfala pesonl infomesen taem oli geming onlaen.
– 24% i talem se ol pikinini blong olgeta oli bin toktok long wan man we oli no save taem oli go onlaen geming.
– 16% oli talem se ol pikinini blong olgeta oli buli long olgeta kasem ol toktok we oli nogud.
Ol risk
Ol risk we oli kamap bigwan from ol bigfala namba blong pipol long ples ia mo long ol narafala kaontri oli stap plei tu, i gat smol restriksen nomo mo oli no plei fes to fes. From hemia, pikinini blong yu i no sua se huia oli stap plei wetem mo toktok long hem … o wanem hem i motiv blong olgeta. Sori tumas mo i sad, be oli strenja wetem ol seksual, abusiv, frodulen o ol narafala kriminol motiv oli tekem advantej long ol pikinini mo fasin ia i kamap moa. Ol risk oli kamap moa mo moa gem oli plei long hem tedei long ol mobael divaes bitim long ol ‘famle kompiuta’, we i mekem se yu nogat enaf taem blong jekem wanem ol pikinini blong yu oli stap mekem onlaen.
Ol narafala risk oli inkludum:
– pikinini blong yu i stap plei ol gem we oli no stap long stret eij blong hem.
– pikinini blong yu i yusum ol bil long kredit kad blong yu – sapos oli gat akses long hem.
– oli spendem ol haoa blong plei long ol gem mekem se oli nogat taem blong gat eksesaes, oli sosolaes wetem ol narafala mo mekem skul wok.
Kipim onlaen geming sef blong pikinini blong yu
– Yu gat wan open mo honest toktok wetem ol pikinini blong yu abaot onlaen geming mo ol risk we oli stap.
– Eduketem ol pikinini blong yu long ol denja blong talemaot ol praevet infomesen olsem ol imel adres, hom adres, ol famle memba mo ol faenansol ditel.
– Eksplenem se no evriwan i luk olsem wanem we oli talem o klem mo ol motiv blong olgeta maet oli defren mo nogat respek.
– Talem long pikinini blong yu blong hem i no respond long ol bulying o ol narafala abius mo ripotem long yu kwiktaem.
– Joinem ol pikinini long ol onlaen geming long wanwan taem. – Hemia bae i givim yu wan aedia long ol gems wer oli stap plei long hem mo hu nao oli stap konek wetem.
– Setem mo monitorem ol limit blong taem long wan dei o long wik blong ol pikinini blong yu oli spendem long onlaen geming.
– Jekem ol eij reiting blong ol gem blong mekem sua se ol pikinini blong yu oli no aksesem ol gem konten oli no stret. Hemia 18 blong wan rison!
– Neva givim ol peimen kad ditel blong yu long pikinini blong yu from bae i save kam kosem yu mani.
Long ol ansa blong ol kaen kwestin we ol paren mo ol pleia oli gat abaot ol video gem eij reiting mo advaes blong plei long ol gem responsibliti, visit http://askaboutgames.com
Moa infomesen
Wan gaed long UK blong ol perens blong oli kipim ol pikinini blong olgeta i sef taem oli stap plei gem onlaen: http://www.everybodyplays.co.uk/parents-guide-to-games