Ol inkripsen oli save brekem, long narafala toktok pesen we hem stap inteseptem bae i save brekem inkripsen ia, hemia i min se ful sistem we i rilae long kompiuting paoa i bae oli rikwarem blong brekem inkripsen we bae i kostem moa bitim wanem bae oli winim mo bae i save tekem long taem.
Kampani VPNs
End-tu-end inkripsen ia bae oli save luk olsem wan gudfala samting, be hemia i dipen long wan eksten long wea olgeta end ia oli stap. VPNs oli bin yusum blong fasilitetem rimot woking; hemia hem i wea ples tufala end oli stap, fes samting long kampani netwok mo long divaes we oli yusum, rimotli, long wan long employ. Taep blong VPN oli bin yusum saksesfuli blong plante yia mo oli mekem wan inkrip ‘tanel’ bitwen long kompiuta blong emploi mo koperet netwok, i mekem kompiuta blong imploi hem i pat long nekwok. Hemia hem i representem sekua koneksen bitwin ol trasted ona blong kompiuta long semak oganaesesen.
Konsuma VPNs
Long eksampol antap, sekua koneksen hem i bitwin ol kompiuta we oli gat trast long olgeta, ol end blong ol taep blong VPN hem i kompiuta blong kastoma long wan end mo ol seva blong VPN provaeda long narafala end. From rison ia, taem ol provaeda ia oli advataesem ‘sekua end-tu-end komunikesen’, hemia hem i go nomo long premises we oli stap long hem. Eni insekua komunikesen we yu sendem, VPN i protektem long divaes blong yu go kasem ol kompiuta blong VPN provaeda, be i save kambak long insekua stet blong hem blong komplitim jeni blong hem long ples ia. Wanem we i minim hem i taem hem i yusum ol fom blong VPN, yu stap putum wan bigfala trast long honesti blong VPN provaeda ia.
Long keis ia, VPN blong yu i save luk evri samting we yu mekem, evri websaet we yu visitim mo konten blong evri komunikesen we yu sendem. Long keis blong sekua komunikesen – eksampol wan websaet wetem “s” long end blong HTTP adres mo wan grin padlok – bae oli no save luk konten blong eni data we yu sendem. Sapos yu wantem login long onlaen banking, eksampol, bae oli no save luk eni ditel olsem yusanem, paswod o ditel blong ol akaon blong yu. Be bae oli save luk se yu bank wea mo gat list blong evri singel websaet we yu visitim, evri kompiuta yu konek long hem mo hu yu yusum long ol imel sevis blong yu taem yu stap yusum ol sevis blong olgeta.
From tingting ia, taem yu yusum wan konsuma VPN blong taem ia, yu stap trastem provaeda blong hem i no yusum data blong yu long wan wei we yu luk se hem i no akseptebol. Fulap long ol sevis oli kleim se oli no kipim ol rikod blong wanem yu mekem onlaen, be oli nogat wei blong pruvum. From se oli maet gat wan rikod blong ol websaet we yumi visitim mo maet oli save luk konten blong ol insekua komunikesen, yu stap trastem olgeta blong oli no kipim ol infomesen mo oli no yusum blong ol pepos olsem profaeling mo tagatem advetaeseing, blong olgeta nomo o blong ol narafala man.
Fulap long advetaesing blong ol konsuma VPNs oli kleimem se oli alaoem yu blong mekem ful long ol onlaen sevis mekem yu tingse yu stap long wan narafala ples, i mekem se yu gat akses long ol sevis we oli no availebol long eria blong yu. Moa sevis olsem Netfiks mo BBC iPlayer oli luksave hemia mo oli rekognaesem se wan yusa i stap traem haedem tru lokesen, oli stap dinaem akses long sevis. Samfala provaeda oli mensenem se ol sistem blong olgeta bae oli haedem ol aktiviti we oli no stret long ISP blong yu, wan samting we Get Safe Onlaen i no kondonem.
Ril benefit blong wan konsuma VPN taem oli stap yusum Wi-Fi hotspot, olsem ol hotspot long ol kafe mo hotel rum, we oli komunikesen blong yu oli no save lisen sapos Wi- Fi hem hem no sekua. Long keis olsem, wan VPN bae i no save stopem intesepsen be olsem antap, bae i mekem komunikesen hem oli no save ridim. Long keis olsem, yu sud rimemba se yu no stopem risk, be yu muvum hem long lokal Wi-Fi i go long ol kompiuta blong VPN provaeda.
Samari
- Long keis olsem we oganaesen i provedem wan VPN blong aksesem netwok blong olgeta, end-tu-end komunikesen hem i bitwin ol kompiuta we yu trastem mo, sapos oli konfgurem gud, hem i sud sef.
- Bifo yu yusum wan konsuma VPNs, yu sud konsiderem
- Hamas yu trastem provaeda.
- Weta yu rili nid blong yusum open Wi-Fi, bitim 3G, 4G o 5G data blong yu we hem i moa sekua.
- Weta wan konsuma VPN hem i semak valiu olsem sabsriksen fi olsem we yu stap, infak, yu stap muvum risk