Yu save risivim ol giaman imel ia eni taem long wan yia, be long taem we i stap go from ol bisi taem blong taksesen, we oli kamaot tumas mo from se fulap bisnes oli stap tingbaot ol taks bisnes blong olgeta.
Ol risk
- Sapos yu wan takspeia o gat ol nara bisnes wetem ol taks otoriti, yu save risivim wan fising imel blong rikwestem konfidensel infomesen we bae save givim pawa long ol kriminol blong gat akses i go long bank o ol peimen kad akaon blong yu.
- Long nara wei, imel ia i save gat wan atajmen we i luk olsem wan tru dokumen, be tru wan se hem i givimaot wan vaeres we i save yusum blong giaman long yu, stilim aedentiti blong yu, spae long yu mo holem yu long faenansel ransom.
- Wan nara risk hem i taem oli askem gud yu blong yusum wan sevis we hem i anofisel insted blong yusum ofisel websaet, wan kaen we i nomol blong jajem ol fi we stap go bigwan mo oltaem ol fi we oli hae tumas from ol sevis we gavman i givimaot fri o long wan kos we i low. Yumi stap talem se ol kopikat websaet.
Protektem bisnes blong yu
- Tingbaot se ol gavman oganasesen bae neva talem long yu from wan taks we oli pem bak long yu taem yu bin pem i tumas o penalti – o rikwestem ol pesenol peimen infomesen blong yu -tru long imel, tex o sosel netwoking pos.
- Lukaot long ol imel we oli:
- Gat imel adres blong wan man we i sendem i defren long websaet adres blong ofisel oganaesen.
- Imel ia oli maet sendem i kam long wan defren adres olgeta o wan fri websaet adres.
- Imel ia i no yusum stret nem blong yu, be hem i yusum wan griting we i no talemaot nem blong stret man olsem “Dia Bisnes Ona”, “Dia Takspeia” o i nogat eni griting nomo.
- Oli askem blong yu dil wetem wan samting kwiktaem, eksampol oli givim wan tret se sapos yu no ak kwiktaem bae akaon blong yu i save klos o yu save mestem stret taem blong wan peimen o wan rifan klem.
- Rikwestem konfidensel infomesen o infomesen blong wokman olsem yusanem, paswod o bank ol bank ditel.
- Keaful wetem ol imel we oli gat ol atajmen. Sapos yu gat daot, no klik long atajmen mo dilitim imel ia, no ansa long hem mo no fowodem be sapos yu ripotem nomo long stret oganasesen we oli bin yusum nem blong hem.
- Lukaot long ol kopikat websaet, we i save jajem wan hae fi from wan sevis we i save fri nomo, o long wan low kos, long wan ofisel gavman saet. Ol saet ia i save mekem bisnes blong yu i pem ol mani we oli no sud pem mo oli no save iven givimaot eni sevis nomo long yu, iven taem Google o ol nara sej enjin i showem olgeta blong oli impoten.
Sapos yu ting se yu bin wan viktim blong frod:
Ripotem i go long polis.