English
English
Meniu Klosem

Ol Atak Blong DDoS

Hem i stap kam moa bigwan blong ol onlaen oganasesen blong kasem nogud ol onlaen atak we hem i mekem se webaset blong olgeta bae i had blong oli save sevesem ol stretfala rikwes. Distributed Dinael blong Sevis (DDoS) hem i no wan fom blong haking, be hem i wan ovalod blong ol visita we oli planem blong bae oli visitim websaet blong yu mo stap fulmap nogud web infrastrakja blong yu. Ol atak olsem ia i no minse fulap man oli stap visitim saet ia long semak taem nao oli mekem blong i katemdaon pawa blong stret wok blong saet ia o iven blong ‘spolem i go nogud olgeta’, be hem i tru long wan botnet (netwok blong ol robot kompiuta we oli infekted) we ol saebakriminol i stap kontrolem long wan rimot ples. Fulap viktim oli ol bigfala oganasesen we fulap man i save long olgeta olsem ol maltinasenol, ol ejenci blong gavman mo ol bank / ol narafala oganasesen we oli stap givimaot ol faenansel sevis. Be, ino gat wan oganasesen wetem wan websaet we hem i save stanap strong.

Ol tinktink bihaen long wan atak blong DDoS

  • Blakmel / ekstosen
  • Afektem nogud o iven mekem nem blong yu i go nogud olgeta.
  • Kompetisen we i no stret (ravem yu long lus blong sevis blong yu blong winim ol kastoma blong yu we lus ia i bin afectem olgeta).
  • Strong tingting we i no stret agensem yu o bisnes blong yu.
  • Wantem tumas blong garem tras long ol grup blong ol kriminol.
  • Hactivism.

Protektem bisnes blong yu

Long ol teknikol toktok, ol atak blong DDoS i save kam long fulap kaen fom, mo olsem fulap pat blong intanet i nidim moa save blong andastanem gud mo gad agensem olgeta.

Sapos yu gat wan tingting we i mekem yu blong biliv se yu wan we oli jusum blong wan atak blong DDoS i save hapen long yu, mifala tingse i gud blong yu faenem mo askem wan stret man blong DDoS proteksen we hem i garem gud save mo semak taem ol tul we i save protektem bisnes blong yu. Hem i mas save talemaot mo garemaot wan teknikol ansa blong problem blong daonem tret long bisnes blong yu.

Kapasiti planing

Evri oganasesen we oli gat websaet oli sud mekem sua se oli gat bigfala proteksen agensem ol hae volum (mo ol volum we yumi no tingse bae gat) blong ol stret trafik mo trafik we i brekem loa.

Yu sud garemaot wan risk asesmen, we yu tingbaot evri kaen samting we i save hapen, mo gat long ples, web seva kapasiti, banwit mo prosesing pawa blong dil wetem ol bigfala volum we i stap hapen long semak taem. Wokemaot wetem provaeda we i hostem yu blong handelem ol sot-o-nogat-woning lod we oli save dil wetem mo controlem gud, mo tingbaot lod-balansing kasem ol fulap seva. Ol rod ia bae oli kam wetem kos blong olgeta, be yu mas traem blong skelem gud hem ia agensem ol risk mo ol risal long bisnes blong yu mo ating traem blong tokbaot blong faenem ol stret rod.