Ifektiv trening hem i wan long ol best metod blong mekem sua se onlaen sefti mo defendem intrusen long ol saeba kriminol long wan simpol yuman mistek – olsem ignorens, omisen o gobak long ol nogud habit – wan long ol komon kos blong sekuriti brij. Ol emploi oli nid blong gat janis blong save kasem ol sekuriti nolej blong oli save kamap wetem ol rison blong olgeta, intuisen, mo ol lukluk blong olgeta blong oli save demonstretem ol korek behevia.
Ol objektiv
Wan objektiv hem i blong ol emploi mekem olgeta oli gat habit blong askem olgeta bakegen ol kwesten olsem – mo save ol korek ansa:
- “Wanem nao ol koperet data we mi gat akses long olgeta?”
- ”Wanem nao ol konsekwens blong wan brij … i go long oganaesesen /long mi?”
- “Wanem ol risk?”
- “Wanem ol kontrol yumi gat oli stap?”
Trening aproj
Ol ekspresen we oli save gud long olgeta: “Mi harem mo mi fogetem. Mi luk mo mi rimemba. Mi mekem mo mi andanstanem” hem i tru taem i kam long saeba mo infomesen sekuriti.
I gud fulap metod we yu save yusum blong deliverem ol ifektiv trening. Olgeta ia bae oli defren folem oganaesesen, odiens mo ol mesej, taswe program ia i mas mitim gud nid blong oganaesesen blong yu. Yu sud muv bitwin ol defren metod ia, mo tu traem introdiusm wan elemen blong gat fan olsem wan miks, be i mas gat wan level blong interaktiv.
- Ol klasrum trening oli save kamap long saed long intraktiv mo hem i wan wei we ol pipol oli save long hem, mo hem i kamfotebol blong fulap pipol – espeseli taem i gat wan engejing trena o koj i stap.
- Kompiuta-beis trening hem i gud tumas blong blong strongem ol save mo hem i gud blong ol spesifik topik, we oli save deliverem olsem ol modul. Nomali oli disaenem blong hem i aksesebol long eni taem mo long ples we bae i stret gud long emploi. Hem i save inkludum sam interaktiv aspeks.
- Ol rodsow mo ol presentesen oli mekem blong oli stret gud blong introduism ol niufala sabjek mata, mo blong ol oganaesesen we oli gat fulap saet.
- Ol video oli provaedem wan hae level blong demonstretiv medium blong fulap topik (olsem yumi luk wetem Yutub).
- Ol posta oli provaedem ol visible mo konsisten rienfosmen long ol generik mo ol spesifik aspek.
- Ol raon-tebol ivent/lanj & lens oli save provaedem long wan sosol fan wei.
- Ol imel oli save yusum blong rienfosem mo tu blong invaetem ol emploi oli go long ol trening ivent.
Wanem taem blong tren
- Taem ol staf oli joenem kampani, bae oli mas klia long saed long sekuriti polisi mo ol rutin praktis olsem taem oli log in – i semak olsem taem oli muv olbaot fisikali long bilding.
- Yu save statem wetem ol ‘dei –to – dei’ sekuriti taem oli joenem wetem samfala moa jeneral sekuriti trening.
- Remediel trening mo kampani-waed rimaenda bae i nesesari long taem blong wan sekuriti insiden o long tret we stap kam in long waeda wol.
- Anual rifresa trening hem i valuebol.
- Yu save givim pipol akses long websaet ia mo ol narafala onlaen sekuriti advaes blong self-stadi.
- Long wanwan keis, trening hem i sud inkludum wan ovaviu long ol rison from wanem infomesen sekuriti hem i impotent tumas, wetem kaverej blong ol tret mo risk.
Indaksen trening
- Ol kampani spesifik polisi, olsem ol apropriet o stret yus polisi.
- Rutin infomesen olsem hao blong konek i go long ol kampani seva, jenisim ol paswod etsetera.
- Bae yu askem hu taem yu nidim sapot o advaes.
- Ol bigining familiaraesesen wetem ol risk, olsem malwe, haking, frod, softwe paeresi, harasmen, data proteksen, proteksen long ol infomesen aset.
Jeneral sekuriti
Bisnes yusa oli fesem plante long ol semak jalens olsem ol home yusa. Mein defrens hem i wan aksen blong wan emploi i save afektem ful bisnes, be wetem hom yusa hem i responsibol nomo long wanem i happen long hom. Wetem hemia, ol bisnes oli fesem ol narafala risks mo ol tret we hem i rikwarem ol spesifik mesa.
- Kompiuta mo mobael divaes sekuriti: hao blong karemaot ol apdeit, swijim on faeawol, priventem malwe.
- Yusum wan web braosa long wan sef wei, priventem ol pop-ap, avoidem ol frodulen saet, jekem se eni e-komes o banking transaksen oli inkripim.
- Ol biheivoral isu: fiskol sekuriti, ol hoaks imel, phishing, ol paswod, frod mo aedentiti teft mo hao blong avoidem olgeta, wanem blong mekem sapos i gat wan problem o yu no save se wanem bae yu mekem long wan samting.
- Ol bisnes isu: data proteksen isu, emploimen loa, kontrak loa, protektem ol sensitive kampani infomesen mo avoidem softwe o ol narafala paeresi.