Ol risk
- Ol wokman mo / o ol kontrakta oli stap spendem mani blong praevet yus blong olgeta. Eksampol:
- Oderem ol samting blong pesonal yus mo ino blong kampani.
- Oda-ovarem ol samting blong kasem ol saplaea bak-handa.
- Pem ol sevis we oli nogat olsem ol korap peimen.
- Negosiatem ol hae praes blong kasem ol korap peimen.
- Ol frodsta oli setemap wan mejan akaon long nem blong kampani blong yu mo stap akseptem ol oda blong ol gud we oli no saplaem.
- Ol frodsta oli hakem websaet blong yu mo mekem ol ridaerek oda go long seva blong olgeta.
- Ol frodsta oli giaman se oli ol kampani daerekta afta jenisim daerekta mo rejisted adres blong bisnis.
- Kampani rikod, ol nem blong emploi, ol bank akaon ditel mo ol narafala sensitif infomesen we ol narafala man oli stap stilim taem oli stap lukluk tru long ol rabis bin.
- Oli oderem ol guds wetem ol giaman akaon ditel o ol kredit kad we oli stilim.
- Paimen kad oli jajembak from kastoma oli giaman se ol guds we oli risivim oli no fit long stret wok blong olgeta o giaman se oli no risivim olgeta.
- Ol guds we yu bin sendem go long olgea, oli jenisim wetem ol giaman guds mo oli sendem oli kambak.
- Fishing, vishing mo ol narafala atak long saed long sosel enjenering we i save mekem se yu mo ol kolig blong yu i talemaot ol konfidensel infomesen blong helpem wan frod.
- Websaet trafik blong yu oli minim blong jenisim i go long wan giaman saet wetem wan semak adres (eksampol, wetem wan smol speling mistek).
- ID pas, paswod mo praevet infomesen we ol rabis kontrakta mo ol tredsman oli bin stilim.
Protektem oganasesen blong yu
- Jekem ol bank akaon blong yu mo kampani rejistresen rikod blong ol iregulariti long wan regula besis.
- Rekonsaelem ol bank stetemen mo ol kapani kredit kad stetmen long kea mo oltaem.
- Enkarejem ol wokman, ol kastoma, ol saplaia mo ol bisnes patna blong oli ripotem wan samting we oli luk i no stret.
- Yu mas luksave long ol rejistresen blong ol niufala domein we oli semak olsem blong yu. Tingting blong rejisterem ol komon misspeling mo ol jenis long kampani nem blong yu.
- Yu sredem ol sensitif pepa bifo yu sakem olgeta.
- Setamap ol gaedlaen mo ol proses blong hu i save plesem ol oda long bihaf blong kampani. Yusum ol fomal pejes oda sistem.
- Tekemap ol referens mo tingting blong skrinim ol niufala emploi mo ol niufala kontrakta.
- Mekem ol kredit jek long ol niufala kastoma mo jekem ol ditel blong olgeta mo lukse oli talem ol hones infomesen.
- Rispon long ol peimen kad mo jajembak ol rikwes long semaktaem.
- Setem ol strik limit blong kredit.
- Setem ol limit long ol witdrowel, ol transfe mo paimen long ol bank akaon. Tingting blong setemap ol dabol otoroti blong ol witdrowol, ol transfe mo peimen, long semak wei we yu maet mekem long ol dabol signitori blong tu difren man long ol jek.
- Blong olgeta kastoma we yu no save long ol transaksen histori blong olgeta, askem ol peimen bifo yu risivim ol guds mo ol sevis we oli saplaem.
- Mekem ol kredit jek long ol niufala kastoma mo jekem ol ditel blong olgeta mo lukse oli talem ol hones infomesen.
- Sapos yu stap sel onlaen, validetem ol niufala kastoma yusum verifikesen olsem Adres Verifikesen Sevis, o Verifaem wetem Visa/MastaKad Sekukod. I gat wan namba blong ol komesel provaeda blong ol verifikesen solusen.
- Mekem sua se kompiuta sekuriti blong yu hem i oraet mo i gat ol apdeit mo ol aktiveted antivaeres/antispaewe softwe mo faeawol, ol regula sofwe apdeit mo yus blong ol strong mo praevet paswod. Hem ia bae i protekem kompiuta blong yu long plante onlaen tret.
Sapos oganasesen blong yu hem i wan viktim blo stret frod o frod we oli traem
- Ripotem i go long polis.
- Mekem ol aksen kwiktaem blong daonem damej, sapos yu tingse frod ya i kam long wan man insaed long oganasesen o aotsaed long oganasesen.
- Sapos frod ya hem i gat wan samting wetem bank akaon blong yu, mekem kontak wetem bank blong yu kwiktaem.