Kaen imel olsem bae oltaem i askem blong yu mekem peimen long semak dei nomo, samtaem oli eksplenem gud from wanem yu mas sendem mani kwiktaem, we yu maet ting se i tru. Samtaem yu save risivim imel ia taem we ‘man we i sendem’ i no stap long ofis, mekem se hem i had blong yu we yu stap risiv blong jekem se i tru o no. Antap long hem, long save se imel ia hem i Wenem kaen stori, o hem i maet kam long wan bigfala man long oganasesen, i save mekem blong ol man i bilivim – mo i moa impoten se peimen i tekples – bitim wan ‘nomol’ fising imel.
Ol frodsta i save giaman gud se oli wan man long oganasesen taem oli hak i go long wan imel akaon blong wan bigfala man hem, spufum stret adres blong senda o yusum wan we i semak, be i had blong man i save talemaot se i defren. Oli save lukaotem mo garem ol infomesen blong oganasesen blong yu mo ol man we oli stap wok long hem tru long ol teknik blong sosel enjenering o ol nara rod we i no stret, o iven long ol stret rod olsem LinkedIn, blong i save helpem olgeta wetem skam blong olgeta. Lo sam kes, afta long imel, i gat wan kol we man we i wantem blo yu pem hem bae mekem blong i givim yu ol ditel blong peimen.
Ol risk
Yu gat bilif se yu stap mekem ol peimen oli go long ol saplaia o ol nara grup we yu trastem, be lo ril wan, yu stap pem ol frodsta we oli stap giaman se oli wan bigman lo oganasesen blong yu.
Protektem bisnis blong yu long CEO impesonesen frod
Lukaot gud long ol peimen rikwes we yu sek oli hapen o we oli no nomol, iven long wanem kaen amaon we oli askem long yu.
- Oltaem jek wetem man we yu tingse hem i sendem imel ia, be sapos hem i wan bigman o hem i bisi, jekem se imel ia i kam long ol olgeta. Sapos oli no save stap blong ansa long yu mo imel ya hem i askem yu blong yu mas ansa long olgeta hariap, jekem wetem wan long ol nara senia kolig.
- No jek wetem olgeta tru long imel, nogud we oli hakem akaon blong olgeta. Be, mekem wan fon kol, go luk man ia stret or yusum wan nara rod blo komunikesen we yu trastem.
- Sapos yu gat daot, no mekem peimen, iven sapos hem i ejen tumas o oli talemaot se wan samting i save hapen sapos yu no mekem peimen.
Sapos oganasesen blong yu hem i wan viktim blo stret frod o frod we oli traem
- Ripotem go long polis.
- Mekem ol aksen kwiktaem blong daonem damej, sapos yu tingse frod ia i kam long wan man insaed long oganasesen o aotsaed long oganasesen.
- Sapos frod ya hem i gat wan samting wetem bank akaon blong yu, mekem kontak wetem bank blong yu kwiktaem.